2023-2024 оқу жылында мектепішілік бақылау жоспарына сәйкес мектеп бітіруші 11 сынып оқушыларын ҰБТ-ге педагогикалық- психологиялық бағытта сүйемелдеу жұмыстарының жоспарына және аудандық білім бөлімінің 09.04.2024 жылғы №680 хатына сәйкес А.Жанпейісов атындағы №105 мектеп-лицейінде түлектер мен ата-аналарына арналған ашық есік күні болып өтті.

Ашық есік күніне орай мектеп әкімшілігі және педагог-психологтар жоспарлы түрде жұмыстарын атқарды. Атап айтсақ, бейінді-бағдарлы орынбасар Ғ.Ысқақов түлектер мен ата-аналарға мамандық таңдаудың маңыздылығы туралы дәріс оқып, пікір алмасты.

Мектеп психологы А.Шайхиева 11 сынып оқушыларымен ҰБТ-ге қалай тиімді дайындалу жолдары мен қобалжудың алдын алуға арналған жаттығулармен бөлісті. Тренингте оқушыларға кеңестер беріліп, жадынамалар таратылды.

Оқу-тәрбие ісі жөніндегі орынбасардың міндетін уақытша атқарушы Ғ.Ысқақов оқушыларға уақытты тиімді пайдалану және дайындық барысында кездесетін кедергілерді қалай жою керектігі жөнінде біршама кеңесін берді.

Ата-аналарына қазіргі кезде бала бойындағы өзгерістерді назардан тыс қалдырмай, қолдап отыру қажеттілігі туралы айтып өтті.

Мектеп-лицейдің әлеуметтік-педагогі Ш.Мұханбедиева ата-аналарды балалардың дұрыс тамақтануы мен толыққанды ұйықтап дем алуының маңыздылығы туралы ақпараттандырды.

Сондай-ақ көктемгі мезгілде адам организмінің әлсіреуіне байланысты оқушыларға күш-қуат беретін дәрумендер немесе дәрумендерге бай тағам түрлерімен қамтамасыз етуге шақырды.