Ашық есік күні ұйымдастырылды
qarmaqshy-tany.kz «Отбасы – орта мектеп» жобасы және «Мектеп өмірінің бір күні» жобасы аясында 2023 жылдың 20 қаңтар күні Байқоңыр қаласындағы №275 мектепте «Мектеп, ата-ана, ұстаз бірлігі – ұрпақ тәрбиесінің ізгі жолдары» тақырыбында мектепішілік «Ашық есік» күні болып өтті.
Мақсаты: ата-ана, оқушы, мұғалім арасындағы қарым - қатынасты жақсарту. Бала тәрбиесіндегі ата-ана көзқарасын кеңейту.
Ашық есік күні аясында ата-аналар балаларының шығармашылығын көріп, өнерін тамашалап, білімін бақылап, толғандырған сұрақтарына жауап алып, мектеп тынысымен кеңінен танысты.
Іс-шара соңында ата-аналар бүгінгі күннен алған әсерлерімен, пікірлерімен бөлісті. Атаулы іс-шараның ұйымдастырылуы ата-ана тарапынан қолдау тапқандығы ойбөлісте байқалды.
Мектеп директоры Анар Жанабергеновна тәрбиенің қайнар бұлағы отбасынан басталатындығын айтып, ата-аналарды бірлікте жұмыс жасауға шақырды және іс-шараға қатысқан ата-аналарға алғысын білдірді.
