Мемлекет басшысы еліміздің экологиялық ахуалын жақсарту бағытында «Жасыл белдеу» жобасын қолға алуды тапсырған болатын. Бұл жоба әсіресе экологиялық әлеуеті сын көтермейтін біздің өңір үшін аса қажет. Аудан әкімі Жандос Еркінбек бұл бастаманы Жосалы кентінде іске асыру жөнінде тапсырма берді. Қазіргі кезде «Жасыл белдеу» аймағы айқындалып, жұмыстар басталып кетті.

Жасыл белдеудің мақсаты – ауданда жасыл желек қалыптастыру және оны сақтау. Бұл жоба аясында белгіленген жерге 6000 түп әр түрлі көшет отырғызылады. Көшеттер «Мәңгілік ел» монументі аумағындағы ұңғыма арқылы тамшылатып суарылады.

Жасыл белдеуді қалыптастыру бірқатар экологиялық мәселелерді шешуге негіз болады. Жасыл белдеудің жайқала көктеп, сайын даланың сәніне айналуына баршамыздың үлесіміз қажет.