"Экология және Жаңа Қазақстан"
qarmaqshy-tany.kz Қармақшы ауданы Ү.К.Томанов атындағы N183 орта мектебінің 7"А" сыныбында 25 қазан Республика күніне орай "Қазақстан туған жерім, туған елім" тақырыбы аясында "Экология және Жаңа Қазақстан" тақырыбында экологиялық сынып сағаты өткізілді.
Сабақ барысында оқушылар сөзжұмбақты шешу арқылы "Экология", "Жасыл экономика", "Жасыл желек" "Жаңа Қазақстан" топтарына бірікті. "Қазыналы Қазақстан" тақырыбында бейнекөрсетілім тамашалап, оқушылар өз ойларымен бөлісті. Топтық жұмыс STEM бағдарламасы бойынша жүргізілді. Нәтижесінде "Экология" тобы ақпарат құралдарын пайдаланып, Әлемдік экологиялық мәселелер, Қазақстанның экологиялық мәселелері жөнінде ақпараттарды атады. "Жасыл экономика" тобы "Жел.Су.Күн" энергетикасы жайлы АКТ-ны пайдалана отырып, көрсетілім дайындап, ұсынды. "Жасыл желек" тобы гүл, көкөніс дақылдарының тұқымын егіп, сыныпты жасыл желек көшеттерімен толтырды. "Жаңа Қазақстан" тобы, Жаңа Қазақстан экологиясын жақсарту жөнінде ұсыныстарын білдіріп, "Қалдықсыз табиғат" ұранымен қалдық заттарды үнемдеу туралы бірнеше есептер шығарды.
Сабақ соңында "Егер мен ....(әкім, министр, жазушы, суретші, ғалым) болсам" тақырыбында кері байланыс жасап, пікірлерін білдірді.
Сынып жетекшісі Сатылғанова Жадыра сынып сағатын жоғары деңгейде өтуге атсалысты.
