Террористер ғимаратта 18 минут болған: Мәскеудегі терактінің хронологиясы жарияланды
Мәскеудегі террорлық әрекеттің хронологиясы жарияланды, - деп хабарлайды Massaget.kz тілшісі Shot телеграм арнасына сілтеме жасап.
Телеграм-арнадағы мәлімет бойынша, террористер ғимаратта 18 минут болған.
- Сағат 19.55-те "Крокус" ғимаратының алдына "Рено Симбол" тоқтап, ішінен автомат асынған террористер шығып, ғимаратқа қарай жүгіріп, адамдарға оқ жаудырып, күхетшілерді атып тастаған.
- 20:03-ке таман террористер концерт залының көрермендер отырған залына кіріп, алдынан шыққан адамдарды атып, креслоларды өртей бастайды. Шабуыл жасаған адамдарда бензин болған.
- Террористерден қашып құтылған адамдар терезелерді сындырып, ғимараттан қаша бастаған.
- 20:13-те ақ "Рено Симбол" мінген төрт қаскөй "Крокустың" көлік тұрағынан кете бастаған.
Еске салайық, 23 наурызға қараған түні Ресейлік Telegram-арналар мен БАҚ-та Мәскеуде теракт болғаны туралы ақпарат тарады.
Соңғы деректер бойынша, кемінде 40 адам қаза тауып, 100 адам зардап шеккен.
Соңғы мәліметтер бойынша, теракт салдарынан қаза тапқандар саны 82-ге жеткен.
Тоқаев Мәскеудегі терактіге байланысты Қауіпсіздік Кеңесінің мүшелерімен жиын өткізеді.
