Қармақшы ауданы бойынша білім бөлімінің әдіскерлерінің қатысуымен білім беру ұйымдарында әдістемелік кеңес өткізілді. Кеңесте педагог қызметкерлерді аттестаттау қағидаларына енгізілген өзгерістер туралы ақпараттық түсіндірме жұмысы жүргізіліп, мұғалімдер тарапынан туындаған сұрақтарға жауап берілді

Педагогтер білімін бағалау (ПББ) - әдеттегідей тест тапсыру әдісі арқылы өтеді. ПББ тестілеуден босатылады: «педагог-шебер»- растау кезінде, 30 жыл немесе оданда көп жыл педагогикалық еңбек өтілі бар педагогтер;

Педагогтер ПББ өз пәнінен тапсырады («педагог-модератор» - өз пәні+әдістеме), ал өтпелі кезеңде Ұлттық Платформа толық жұмыс жасағанға дейін, яғни 2024 жылы, өз пәнінен және оқыту әдістемесінен 50 сұрақ бойынша тапсырады;

ПББдан құлаған педагогтерге екінші рет тапсыруға мүмкіндік беріледі (бірінші ақысыз);

ПББ өту барысында тапсыру тәртібін бұзған педагогтер тек 1 жыл мерзімде аттестаттаудан өтуге жіберілмейді (бұрын - 5 жыл болған);

Білім сапасын арттыру мақсатында ендігі жерде білім беру ұйымдары басшыларының орынбасарлары мен әдіскерлер де ПББ өтетін болады.

ППБ нәтижесі қалаған санатына жетпеген жағдайда санатты растау кезінде– 1 деңгей төмен санат;

Санатты беру кезінде– ПББ нәтижелерінен жоғары емес санат берілетіндігі түсіндірілді.

Алдағы уақытта аттестация барысындағы түсіндірме жұмыстары жалғасын табатын болады.