Аудан әкімі аппаратының ұйымдастыруымен азаматтардың өтініштерімен жұмыс жасау барысы және 2023 жылғы өтініштермен жұмыс қорытындылары жөнінде семинар-кеңес өткізілді.

Семинар-кеңесте аудандық дербес бөлімдердің, кент және ауылдық округ әкімі аппараттарының «е-Өтініш» ақпараттық жүйесімен жұмыс жасауға тікелей жауапты мамандарына түсіндірме жұмыстары жүргізілді.

Азаматтарға қызмет көрсету кезінде заң бұзушылықтарды болдырмау және алдын алу бағытында атқарылуы тиіс шаралар туралы талқыланып, сұрақтарға жауап берілді. Сондай-ақ, жауапты мамандарға «е-Өтініш» ақпараттық жүйесі арқылы жергілікті атқарушы органдарға түскен өтініштердің мерзімінде тіркелуін, сапалы орындалуын және уақытында жауап берілу жұмыстарын қатаң бақылауға алу тапсырылды.