Құрылыс нысандары қадағаланды

Жуырда аудан әкімі Жандос Еркінбек аудан аумағындағы әлеуметтік нысандарды аралап, ондағы жүргізіліп жатқан жұмыс барысын тексерді. Бірінші кезекте Төретам кентін табиғи газға қосу жұмыстарын қадағаласа, екінші кезекте Ақай ауылдық округіндегі денешынықтыру және спорт кешенінің құрылысымен танысты. Мұнан соң Байқоңыр қаласында салынып жатқан көпқабатты тұрғын үй ғимараты алаңына барды.

– Нысандар алдағы уақыттағы мерзімде тапсырылады. Барлығы талапқа сай әрі сапалы болуы қажет. Құрылыс нысандарының сапасы мен қауіпсіздігіне жіті қадағалау болады, – деді аудан басшысы Жандос Еркінбекұлы.

Жұмыс сапарының соңында құрылысы жүріп жатқан нысанға байланысты аудан әкімі сала басшыларына тиісті тапсырмалар беріп, жұмыс барысын қатаң бақылауда ұстауды егжей-тегжейлі тапсырды.