Қызылорда облысы әкімінің орынбасары, Қазақстан Республикасы Президентінің «Байқоңыр» кешеніңдегі арнаулы өкілі Қайрат Нұртай халықаралық турнирде жеңіске жеткен Әлем чемпионы Әлиасқар Өтеуовті қабылдады.

Қабылдауда Қайрат Нұртай биік белесті бағындырып, Тәуелсіз еліміздің көк байрағын әлемдік аренада желбіреткен және Байқоңыр қаласын танымал етуге елеулі үлес қосқан жас чемпионға қазақстандық спорт шеберлерінің даңқты жолын лайықты жалғастыратынына және бұл жеңістің өскелең буынның спортқа құлшынысын арттыратынына сенім білдіріп, сәттілік тіледі.

Жерлесіміз Әлиасқар Өтеуов 07-11 ақпан күндері Дүниежүзілік кикбоксинг ұйымдары қауымдастығының WAKO күнтізбесіне енген Үндістанның Нью-Дели қаласында өткен ашық халықаралық турнирінде Әлем чемпионы атанған болатын.