Тұрғындар тілегі тыңдалды

qarmaqshy-tany.kz Жақында Байқоңырда бекітілген кестеге сәйкес облыс әкімінің орынбасары, Қазақстан Республикасы Президентінің «Байқоңыр» кешеніндегі арнаулы өкілі Қайрат Нұртай Байқоңыр қаласындағы құқық қорғау саласы өкілдері, мекеме басшыларымен бірге Байқоңыр қаласы, Төретам кенті және Ақай ауылдық округі тұрғындарын қабылдады.

Онда байқоңырлық тұрғындар өздерінің көптен көкейлерінде жүрген түрлі мәселелерімен қабылдауда болып, мамандар тарапынан тұшымды жауаптар алды. Кездесу барысында құқық қорғау саласы өкілдері, мекеме басшыларымен қабылдауға келген әрбір азаматтың көтерген мәселесі бойынша шешу жолдарын қарастырып, құқықтық кеңесін берді.