Қармақшы ауданы А.Жанпейісов атындағы №105 мектеп-лицейінде жоғары сынып жетекшілерінің ұйымдастыруымен «Қыз тәрбиесі-ұлт тәрбиесі» тақырыбында іс-шара өткізілді.

Іс-шараны 9 «Б» сынып жетекшісі қазақ тілі мен әдебиеті пәнінің мұғалімі Қаналиева Жұлдызай жүргізді.

Іс-шараның мақсаты ата-аналардың бала тәрбиесінде шығармашылық ынтымақтастығын арттыру болып табылады.

Сонымен қатар республикалық «ДОСБОЛ LIKE: достық қолын ұсын» акциясы шеңберінде «Шығармашылық ынтымақтастық» бағыты бойынша өткізіліп отыр.

Іс-шара барысында бірнеше кезеңнен тұратын сайыста ұлттық құндылықтарды насихаттайтын мән-мағынасы зор дәстүрлер дәріптелді.

Атап айтқан балалар аналарымен бірге ұршық иіріп, ұлттық қолөнер бұйымдарынан заттар жасап, ұлттық дәстүрлер жайлы арнайы қойылған сұрақтарға жауап берді.

Сайыс қорытындысы бойынша Бас жүлдені 9 «Б» сынып атынан қатысқан Дәнекеровтер отбасы, 1-орын 8 «Ә» сыныбынан Төлепбергеновтер отбасы, 2-орынды 11 «Б» сыныбынан қатысқан Тетебаевтар отбасы, 3-орынды 9 «А» сыныбынан Әділовтер отбасы иеленді.

Іс-шара соңында №105 мектеп-лицей директоры Еркебаева Гүлзира Мұратбекқызы қорытындылап белсенді қатысқан аналар мен балалар марапатталды.