Тоқаев үкімет неліктен отставкаға кеткенін түсіндірді
Қазақстан президенті Қасым-Жомарт Тоқаев мәжілістің пленарлық отырысында кеше үкімет жұмысы неліктен уақытша тоқтағанын түсіндіріп берді. Сөзінше, қоғам да осы өзгерісті күтіп отыр. Бұл туралы Stan.kz ақпарат агенттігі хабарлайды.
Фото: Ақорда“Жаңа тәсілдер дайындалады. Үкіметке жаңа леп беру керек деп ойлаймын. Қоғам да осыны күтіп отыр. Сол себепті Әлихан Смайыловтың отставкаға кету туралы арызын қабылдадым”, – деді президент.
Еске салайық, 5 ақпанда мемлекет басшысы Қасым-Жомарт Тоқаев ел үкіметін отставкаға жіберу туралы қаулыға қол қойды.
Сонымен қатар президент Қасым-Жомарт Тоқаевқа парламент мәжілісінің және Amanat партиясының төрағасы Ерлан Қошанов премьер-министр қызметіне Олжас Бектеновтің кандидатурасын ұсынды
