Тоқаев үкіметке жаңа адамдар келетінін мәлімдеді

Президент Қасым-Жомарт Тоқаев мәжілістің пленарлық отырысында үкіметке жаңа тұлғалар тағайындалатынын ескертті. Бұл туралы Stan.kz ақпарат агенттігі хабарлайды.

Фото: Ақорда
“Алдымызда ауқымды мақсат пен міндеттер тұр. Егер алдағы жылдары экономикамызды, экономика деңгейін арттырғымыз келсе жаңа бағыт, жаңа көзқарас керек. Сол себепті құрам өзгереді, жаңа адамдар тағайындалады”, – деді Тоқаев.

Сонымен қатар ол үкімет батыл шешімдер қабылдай алуы керек екенін атап өтті.

“Үкімет іске көшу керек, міндеттерді сөз жүзінде ғана емес, іс жүзінде орындау қажет”, – деді мемлекет басшысы.

Сонымен қатар ол кеше үкімет жұмысы неліктен уақытша тоқтағанын түсіндіріп берді. Сөзінше, қоғам да осы өзгерісті күтіп отыр.