Жаңадан бір мемлекеттік қызмет түрі қосылды

Қазақстан Республикасының Цифрлық даму, инновациялар және аэроғарыш өнеркәсібі министрінің «Қазақстан Республикасы Цифрлық даму, инновациялар және аэроғарыш өнеркәсібі министрінің міндетін атқарушының «Мемлекеттік көрсетілетін қызметтер тізілімін бекіту туралы» 2020 жылғы 31 қаңтардағы №39 бұйрығына өзгерістер енгізу туралы» 2023 жылғы 28 желтоқсандағы № 684/НК бұйрығымен Мемлекеттік көрсетілетін қызметтер тізіліміне (бұдан әрі - Тізілім) өзгерістер мен толықтырулар енгізілді.

Тізілімнің жаңа редакциясында 1354 мемлекеттік қызмет түрі қамтылған (бұрын - 1353), оның ішінде:

- Мемлекеттік корпорация арқылы 1268 қызмет (93,6%);

- «электрондық үкімет» порталы арқылы 1214 қызмет (89,7%);

- тек көрсетілетін қызметті беруші арқылы 84 қызмет (6,2%).

Тізілімге жаңадан «Арнайы кәсіби мемлекеттік жәрдемақы тағайындау» мемлекеттік қызметі енгізілген, ол бойынша Мемлекеттік корпорацияның құрылымдық бөлімдері өтініштерді қабылдайды және мемлекеттік қызмет көрсету нәтижесін береді. (Жаңадан қосылған мемлекеттік қызмет бойынша қосымша сұрақтарға жергілікті Халыққа қызмет көрсету бөлімдерінен нақты жауап ала аласыздар).