ҚАЗАҚСТАН – ДОСТЫҚ МЕКЕНІ

Жақында Т.Көмекбаев атындағы №250 мектеп-лицейдің 9 сынып жетекшісі, қазақ тілі мен әдебиеті пәнінің мұғалімі Альбина Алиагақызы Гадирова Астана қаласында болып, Қазақстан халқы Ассамблеясына қатысып қайтты.
– Қазақстан – бақыт мекені. Осындай елде тұрып жатқаныма қуаныштымын. Ұлттар мен ұлыстардың алтын бесігіне айналған Қазақстан халқының тату-тәтті достығы, ымырашылдығы – дүние жүзіне үлгі. Ассамблеядан жақсы әсермен оралдым. Елбасыға, оның жүргізіп отырған сара саясатына алғысымды білдіремін, – дейді білікті ұстаз ризашылығын білдіріп.