qarmaqshy-tany.kz Тіл –Тәуелсіз мемлекетіміздің тұғырлы тірегі, халықтың рухани байлығы, өткені мен болашағының айқын көрінісі. Ана тілінің қадір-қасиетін біле білген халқымыз оны ұлттың рухына, қазына байлығына балайды. Себебі, тіл – халықтың жаны, сәні, тұтастай кескін-келбеті, ұлттық болмысы.

Адамды мұратқа жеткізетін – ана тілі мен ата дәстүрі. Осы орайда 16 желтоқсан - Қазақстан Республикасының Тәуелсіздігі күніне орай К.Рүстембеков атындағы "Жыраулар үйінің" "Рүстембек жырау" үйірмесінің жетекшісі Бедебаев Балтабайдың ұйымдастыруымен "Тіл және Тәуелсіздік" атты оқушылар арасында көркемдеп оқу фестивалі ұйымдастырылды. Шараға қатысқан барша оқушылар аудандық мәдениет және спорт бөлімінің басшысы Ержанов Дәурен Дауылбекұлының арнайы алғыс хатымен және сыйлықтармен марапатталды. Тіл – ұлтымыздың тарихы мен тәлім-тәрбиесінің негізі.