Қазақстанда ҰБТ ережесіне өзгерістер енгізілді
Фото: Kazbilim
ҚР Ғылым және жоғары білім министрлігі Қазақстанда Ұлттық бірыңғай тестілеуді (ҰБТ) өткізу қағидаларына енгізілген өзгерістердің тізімін көрсетті, деп хабарлайды Inbusiness.kz сайты. Тиісті құжат Ашық НҚА порталында жарияланды.
Тапсырмалар саны:
Атап айтқанда, тест тапсырмаларының саны өзгереді деп күтілуде. Қысқартылған оқу мерзімін көздейтін білім беру бағдарламалары бойынша оқуға түсетіндерді қоспағанда, орта, техникалық, кәсіптік немесе орта білімнен кейінгі білім беру ұйымдарының түлектері үшін тест тапсырмаларының саны:
Қазақстан тарихы бойынша – 20;
математикалық сауаттылық бойынша – 10 (қазіргі 15-тің орнына);
оқу сауаттылығы бойынша (оқыту тілі) – 10 (қазіргі 15-тің орнына);
бірінші мамандандырылған пән бойынша – 40 (қазіргі 35-тің орнына);
екінші мамандандырылған пән бойынша – 40 (қазіргі 35-тің орнына).
Мүмкіндігі шектеулі балалар мен мүгедектер мен көру қабілеті бұзылған тұлғалар үшін ҰБТ пәндері бойынша тест тапсырмаларының нұсқалары диаграммаларды, кестелерді, сызбаларды, карталар мен графиктерді қолданбай қалыптастырылады.
Шығармашылық дайындықты қажет ететін білім беру бағдарламалары тобында оқитын және ақылы негізде білім беру бағдарламаларының басқа топтарына ауысқысы келетін ЖЖОКБҰ студенттері үшін ҰБТ тест тапсырмаларының саны:
бірінші мамандандырылған пән бойынша – 40 (қазіргі 35-тің орнына); екінші мамандандырылған пән бойынша – 40 (қазіргі 35-тің орнына).
Қалауынша негізгі пәнді тапсырудан босату
Қазақ тілін В1 (орта) деңгейінен кем емес меңгергенін растайтын Қазтест сертификаты бар тұлғалар «Қазақ тілі» ҰБТ-ның негізгі пәнін немесе арнайы пәнін тапсырудан таңдау бойынша босатылады.
«Олар білім беру грантын тағайындау конкурсына қатысады және (немесе) баллдарды аудару шкаласына сәйкес ақылы негізде ЖЖОКБҰ-ға түседі», – делінген құжатта.
Аппеляция
Өзгерістерге сәйкес, апелляцияға келіп түскен өтініштерді Республикалық апелляциялық комиссия 30 жұмыс күні ішінде қарайды. Бұл ретте комиссия өтініштерді қарауды күнтізбелік жылдың 13 шілдесіне дейін аяқтайды. Өтініш берушінің жеке кабинетінде комиссия отырысының уақыты туралы ақпарат көрсетіледі.
Тест тапсырушының өтiнiшi бойынша апелляциялық өтiнiштi Республикалық апелляциялық комиссия отырысы өткенге дейiн оның жеке кабинетiнде қайтарып алуға болады.
Апелляциялық өтініш бір жұмыс күні ішінде қайтарып алынған жағдайда, ҰБТ сертификаты талапкердің жеке кабинетінде көрсетіледі.
Құжат 26 желтоқсанға дейін қоғамдық талқылау үшін «Ашық НҚА» сайтында орналастырылған.
