Салық төлеушілердің назарына

Бизнес өкілдері үшін тағы да жеңілдік, 2019 жылдан бастап, Үш құрамдасты интеграцияланған жүйе енгізілді. Үш құрамдасты интеграцияланған жүйе дегеніміз – бұл өзара байланысқан үш құрылғыдан тұратын жүйе. Олар онлайн БКМ; POS терминал, тауарларды тіркейтін автоматтандырылған жүйе.

Оңайлатылған декларация негізінде арнайы салық режимін (АСР) қолданатын жеке кәсіпкер осы тиімді құрылғыны пайдалана алады.

Қазіргі уақытта, ҚР ҚМ Мемлекеттік кірістер комитетінің бірыңғай тізіліміне 3 моделі енгізілді (Trinity, Trinity 1.2, Prosklad.kz).

Жартыжылдық салық кезеңі үшін кіріс шегі 24 038 АЕК – 124184 АЕК дейін өседі, яғни оңайлатылған декларация негізінде 82 млн теңгеге дейін жұмыс жасауға рұқсат берілсе, Үш құрамдасты интеграцияланған жүйені пайдаланатын салық төлеушілер 428 млн теңгеге дейін оңайлатылған декларация негізінде жұмыс жасай алады.

Бұл жерде айта кету керек, жеңілдік беріліп тұрған 100 146 АЕК (345 млн теңгесі) міндетті түрде POS-Терминал арқылы есеп айырысуды қажет етеді.

ҚҚС бойынша жылдық шектік мәні 20 000 АЕК – 124 184 АЕК дейін ұлғаяды, яғни ҚҚС бойынша 1 жылдық табыс шегі 69 млн теңгеге дейін болса, Үш құрамдасты интеграцияланған жүйені пайдаланатын салық төлеушілер үшін ҚҚС шегі 428 млн теңгеге дейін ұлғаяды. Бұл жерде де жеңілдік беріп тұрған 104 184 АЕК (359,4 млн теңге) міндетті түрде POS-Терминал арқылы есеп айырысу қажет етеді.