Астана қаласында өткен «Еңбек ел ырысы» атты республикалық ақындар айтысында жерлесіміз Мейірбек Сұлтанхан «Айтыстың ақтаңгері» атанып, Сыр елінің мерейін үстем етті.

Бүгін Серік Ыдырысов, Оңталап Нұрмаханов, Кенжебай Жүсіпов, Мұхтар Ниязовтар бастаған ақындар және жыршы-термешілер, Сыр жастары ақтаңгер ақын Мейірбек Сұлтанханды туған жерінде күтіп алып, айтулы жеңісімен құттықтады.

Жас айтыскер ақын Бексұлтан Орынбасаров арнауын тарту етті. Сонымен қатар кәсіпкер, «Абай Дәулет» ЖШС директоры Мұрат Сәрсенбаев ақынға ат мінгізді.