qarmaqshy-tany.kz Бүгін Қармақшы ауданында күзгі тал егу акциясы ұйымдастырылды. Ауданды көркейту-көгалдандыру, келбетті жасыл желекке айналдыру мақсатында ұйымдастырылған, ауданымыздың көркеюіне бастайтын берекелі бастамаға аудан әкімі Жандос Еркінбекұлы бастаған ауданның зиялы қауым өкілдері мен құқық қорғау органдары қолдау көрсетіп, күзгі тал егу акциясына белсенді қатысты.

Игі шараға аудан әкімдігінің аппараты, дербес бөлімдер мен мекеме қызметкерлері, жергілікті кәсіпорындар өз үлестерін қосты.

Акция соңында аудандық ардагерлер кеңесінің төрағасы Асқар Ермағанбетұлы акцияның өтуіне мұрындық болған азаматтарға ризашылығын білдіріп, туған жерімізді жасылдандыруға тұрғындардың да үлесі қажет екенін атап өтті.

Қармақшы ауданы әкімінің баспасөз қызметі