Көз жанары - өмірдің айнасы
qarmaqshy-tany.kz Бүгін қармақшы аудандық кітапхананың оқырмандарға қызмет көрсету бөлімінде 13-қараша Зағип жандар күніне орай "Көз жанары-өмірдің айнасы" атты кеш өтті.
Кешке аудандық қоғам даму бөлімінің бас маманы Бейбітов Нұрлан, аудандық кітапханалар жүйесінің директоры Қаниева Күлшара, оқырмандарға қызмет көрсету бөлімінің меңгерушісі Сыздықова Лэйла, қазақ соқырлар қоғамдық бірлестігінің Қармақшы аудандық қоғамының төрайымы Үсенова Эльмира және де қоғам мүшелері қатысты.
Кештің мақсаты: I, II топтағы мүгедек жандардың құқықтарын қорғау, оларды әлеуметтік жағынан қамтамасыз етіп, қоғамның толыққанды мүшесі ретінде еңбекке араластыру.
Шара барысында қоғам мүшелері 13-қараша зағип жандар күніне орай аудан әкімінің алғыс хаттарымен марапатталды. Сонымен қатар аудандық кітапхананың оқырмандарға қызмет көрсету бөлімінің жылжымалы кітапханасының жұмысы таныстырылды. Кеш соңында Бекбаев Қуандық аға қорытынды сөз сөйлеп, Жүсіпбекұлы Есенбек ата батасын берді.
