qarmaqshy-tany.kz Ұрпағымен мың жасайтынын ұғынған адамзат қай заманда да болашағы болатұғын балалардың қамын ойлап күн кешкен. Осы идеология әр мемлекеттің саясатында көрініс табады. Соның бір айғағы, қазірде дамыған елдер мектепке дейінгі тәрбие мен оқытуға ерекше көңіл бөледі. Өйткені барлық білім беру жүйесінің іргетасы, бұлақтың бастауы – балабақшада.

Бүгін аудан әкімі Жандос Еркінбекұлы кент орталығындағы бала шақтан болашаққа бағдар берер балабақшалардың жұмысымен танысып, мектепке дейінгі ұйымдардың кемшін тұстарын қалпына келтіру бойынша тапсырмалар беріп, жылу қазандықтарының жұмысын бақылады.

Аудан басшысы ке­лешек көшбасшыларды, ұлт денсаулығын сақтайтын дәрі­герлерді, экономикамызды көтеретін кәсіпкер қауымды қалыптастырып, білімнің іргетасын қалайтын тәр­биешілердің білім жетілдіру курстары мен мерзімді аттестациялардан өткізуді ұдайы үйлестіруді тапсырды.

Ғылым мен техно­­логия заманында тек ой жарыс­тырған озаттар ғана мем­лекетті алға сүйрей­тіні анық. Ал олар ерте жастан тәрбие мен білімнің «уызына жа­рығандар­дан» ғана шығатыны белгілі.

Қармақшы ауданы әкімінің баспасөз қызметі