Мектеп директорлары арасында аудандық дебат турнирі өткізілді

qarmaqshy-tany.kz Қызылорда облысының білім басқармасының «Дарын» облыстық қосымша білім беру орталығының жұмыс жоспарына сәйкес жалпы білім беру ұйымдарының мектеп директорлары арасында облыстық дебат турнирінің аудандық кезеңі өткізілді.

Мақсаты - белгілі бір фактілерді зерттеу, жүйелеп сөйлеуге, өз ойын ашық және жүйелі етіп дәлелдеуге, өз бағытын дұрыс ұстануға жетелеу. Дебат клубтарының жұмысын жандандыру, дебат қозғалысын дамыту, тәрбие бағыттарына сәйкес пікірсайыс ойындарын жастар арасында насихаттау, жауапты мамандардың кәсіби дамуына жол ашу болатын.

Аталмыш шараға аудандық білім бөлімінің басшысы Г.Абдазиева арнайы барып, қоғамдық көзқарасты мәселелерді дәлдікпен дәйектеп, орамды ойларымен орынды жеткізе білген командаларға алғысын айтып, алдағы сын сағаттарына сәттілік тіледі.

Дебат нәтижесінде:

1-орынды 27-107 мектеп директорлары “Намыс” фракциясы;

2-орынды 79-284 мектеп директорлары “Жігер” фракциясы

29-108 мектеп директорлары“Ділмар” фракциясы;

3-орынды 85-269 мектеп директорлары “Жалын “ фракциясы

113-183 “Қыран”фракциясы иеленді.

Сондай-ақ, жеңімпаз болған фракция мүшелері алдағы уақытта облыстық кезеңде бақ сынайтын болады.