qarmaqshy-tany.kz ҚР Оқу-ағарту министрлігінің тәрбие бағытындағы жұмысын іске асырудағы Біртұтас тәрбие бағдарламасы аясында Жалпы білім беру ұйымдарының мектеп директорының тәрбие ісі жөніндегі орынбасарлары және дебат үйлестірушілері арасында "Ұшқыр ой алаңы" облыстық дебат турнирінің аудандық кезеңі өткізілді.

Дебат клубтарының жұмысын жандандыру, дебат қозғалысын дамыту, тәрбие бағыттарына сәйкес пікірсайыс ойындарын жастар арасында насихаттау, жауапты мамандардың кәсіби дамуына жол ашу мақсатында өткізілген шараға аудандық білім бөлімінің басшысы Абдазиева Гүлзира Мажитқызы қатысып, қоғамдық көзқарастағы мәселелерді асқан шеберлікпен дәйектеп, орынды ой-пікірлерді қарсы топқа қарқынмен жеткізе білетін қатысушы топтарға сәттілік тілеп, ізгі ниетін жеткізді.

Пікір сайыс қатысушы топтар арасында тартысты өткізіліп, нәтижесінде орамды ойларымен көзге түскен топтар арнайы дипломдарға ие болып, облыстық кезеңге жолдама алды.