Балалардың жазғы демалысын қауіпсіз, сапалы, ұтымды өткізу

Жосалы кентіндегі №105 орта мектебінде 15 мамыр - отбасы күніне орай аудандық қоғамдық денсаулық сақтау басқармасы және білім бөлімі, төтенше жағдайлар, ішкі істер бөлімінің қызметкерлерінің қатысуымен «Балалардың жазғы демалысын қауіпсіз, сапалы, ұтымды өткізу» тақырыбында мектептің қызметкерлері мен ата-аналар арасында түсіндірме-ақпараттандыру сипатындағы жиналыс өткізілді.

Іс-шараға қатысушы 91 тұлғаға жұқпалы, тамақтан улану, паразиттік және аса қауіпті жұқпалы аурулардың алдын алу, өрт қауіпсіздігі, жазғы шомылу маусымындағы қауіпсіздік шаралары, құқық бұзушылықтардың алдын алу, әлеуметтік желілеріндегі кейбір қауіпті мәліметтер бойынша шаралары кеңінен түсіндірілді. Қойылған сауалдарына сәйкес тиісті жауаптар беріліп, олардың талап, тілектері тыңдалды.