Жақында №85 мектепте 6 «Б» сынып оқушыларының қатысуымен "9 мамыр-Жеңіс күні" тақырыбында ашық тәрбие сағаты өтті.

Шара барысында сынып жетекшісі Гүлденген Бахитова Ұлы Отан соғысындағы қиыншылықты, халық көтерген қасіретті, Ұлы Отан соғысындағы қазақстандықтардың ерлік істерімен таныстырды.

Тәрбие сағатында сынып оқушылары Ұлы Отан соғысында болған оқиғаларды өлең жолдарымен айшықтады. Ұлы Отан соғысының басталған кезінен үзінді көрсетіп, «Айгөлек» би тобы «Катюша» биімен өрнектеді.

Шара соңында оқушылар Отан үшін мерт болған қаһармандардың ерлік рухына бас иіп, мәңгілік алауға гүл шоқтарын қойды.

Нұрбай ЖАНӘДІЛОВ.