Жасөспірім болашағына бағдар
qarmaqshy-tany.kz Аудан орталығындағы №250 мектептің мәжіліс залында аудан әкімінің орынбасары Ерқосаев Жұлдызхан Байназарұлының төрағалығымен жастар арасындағы топтық төбелестің алдын алу, жасөспірімдердің болашағына бағдар жасау бағытындағы профилактикалық жиын өтті.
Жиынға ҚР Ұлттық қауіпсіздік комитеті шекара қызметі Қызылорда облысы бойынша департаментінің "Қуаңдария" шекара бөлімінің лейтенанты Жакеев Қасымхан Бауыржанұлы мен аудандық полиция бөлімі бастығының бірінші орынбасары Жандарбеков Ермек Айтбекұлы және аудан орталығындағы мектеп мұғалімдері мен 11- сынып оқушылары қатысты.
Аталған жиында аудандық полиция бөлімінің орынбасары, «Қуаңдария» шекара бөлімінің қызметкерлері жастардың бос уақытын тиімді пайдалану, зиянды әдеттер, интернет желісіндегі түрлі бағыттағы сайттарға тіркелмеу, топтық төбелестің жастардың болашағына әсері туралы ойларымен бөлісті.
Жиынды қорытындылаған аудан әкімінің орынбасары Жұлдызхан Байназарұлы: "Кәмелет жасқа толмаған жасөспірімдердің қатысуымен болатын түрлі оқиғалар осы топтық төбелестің әсерінен туындайды. Болашақтарыңыздың баспалдағын бүгіннен бастағандарыңыз ләзім"-деді.
Қармақшы ауданы әкімінің баспасөз қызметі
