Саналы ғұмырын ұстаздыққа арнап, оқушының бойына тәрбие, білімді сіңіре білген, бүгінде осы саланы абыроймен алып жүрген мұғалімдерге дұрыс жол көрсеткен кешегі ұстаз, бүгінгі зейнеттегі ардагерлердің орны қашанда биік.

Бүгін аудан әкімі Жандос Еркінбекұлы ұстаздар күні мерекесіне орай бірқатар сала ардагерлерінің шаңырағында болып, жүрекжарды лебізін білдіріп, бағалы сыйлықтар табыстады.

Ғалым да, кенші де, ақын да, әкім де ұлы тұлға ұстаз алдын көрген. Адамзатты балалығынан білімге баулитын Ұстаз атты ардақты есім әрбір шәкірт жүрегінде мәңгі жасайтыны, жаңғыратыны хақ.