Зейнеткерлерге қарттар күнінде қанша төлейді
Фото: Арман Мухатов - архив
Бұл туралы Астана қаласының коммуникациялар қызметінде айтылды, деп хабарлайды BAQ.KZ тілшісі.
1 қазан Қарттар күніне орай зейнеткерлерге 2,5 АЕК мөлшерінде 8 625 теңге бір реттік төлем төленеді, - деді Астана қаласының Жұмыспен қамту және әлеуметтік қорғау басқармасы басшысының орынбасары Еркебұлан Мәлік.Ол өз сөзінде қарттарға екі жылда бір рет тіс протездеу, емдеу қызметтері барын да атады.
2023 жылға жоспар – 3000 адам. Бүгінгі күні тіс протездеу және тіс емдеуге 1529 адам қамтылған. Аталған қызметтерге тіркелу есепті жылдың 2 тоқсанында жүргізіледі, - деді ол.Айта кетейік, қалалық Жұмыспен қамту және әлеуметтік қорғау басқармасы ақпараты бойынша, Астана қаласында 120 мыңнан астам зейнеткер тұрады. Оның ішінде 106 807 адам жасы бойынша зейнетке шыққан, 13 074 – еңбек өтілі бойынша зейнеткер, 8 – ЕДС ардагері, 1473 – тыл ардагері.
