Өсірген ой-білімді, сүйемін туған тілімді
Аудандық кітапханасында Қармақшы ауданы әкімдігінің қолдаумен «5 қыркүйек — Қазақстан халқының тілдер күні» мерекесіне орай "Өсірген ой-білімді, сүйемін туған тілімді" атты интеллектуалды сайыс өткізілді.
Сайыстың мақсаты: балалардың тіл туралы танымдық деңгейін көтеру, білімді, жан-жақты болуға үйрету, бірнеше тіл білуге,үйренуге деген қызығушылықтарын арттыру, ой-өрісін, ойлау қабілеттерін дамыту, шығармашылыққа, шапшаңдыққа баулу, балаларды озық ойлы оқушы болуға тәрбиелеу.
Сайысқа 4 топ бойынша кітапхана оқырмандары қатысты:
«Білімділер» тобы- Оқырмандарға қызмет көрсету бөлімінің оқырмандары, №26 мектеп оқушылары;
«Тапқырлар» тобы- Балалар кітапханасының оқырмандары, №105 мектеп оқушылары,
«Дарын» тобы- Қалалық кітапхананың оқырмандары, №30 мектеп оқушылары;
«Шырақ» тобы- Кент кітапханасының оқырмандары, №27 мектеп оқушылары.
Сайысқа Раева Гүлжауһар Төлегенқызы- халықаралық Қазақ Тілі Қоғамы ның төрайымы, Тынымбаева Роза Омарқызы – ардагер ұстаз, ағылшын тілі пәнінің мұғалімі, Байкубекова Гулфайруз Кенжебекқызы- Мәдениет және спорт бөлімінің әдіскері төрелік етіп, әділ бағаларын берді.
Сайыстың қорытындысы бойынша, I-ші орынды Оқырмандарға қызмет көрсету бөлімінің "БІЛІМДІЛЕР" тобы, II-ші орынды Кент кітапханасының "ШЫРАҚ" тобы, ал III-ші орынды Балалар кітапханасының "ТАПҚЫРЛАР" тобы және Қалалық кітапхананың "ДАРЫН" тобы иеленді.
