Қызылордада қатты желден сауда үйінің шатыры ұшып кетті

Фото: Қызылорда облысы ТЖД баспасөз қызметі

Қызылорда қаласында 11 қыркүйекте таңертең қатты жел тұрып, сауда үйінің шатырын ұшырып әкеткен. Жалбыраған көлемді құрылыс жабындысы ғимарат жанындағы көліктердің үстіне түскен, деп хабарлайды BAQ.KZ.

Кеше сағат 11-тен 34 минут өткенде облыс ТЖД-ға қатты желдің (екпіні 22 м/с дейін) салдарынан Қызылорда қаласы, Қазыбек би көшесі, 13 мекенжайдағы "Гүлжан" сауда үйінің 180 шаршы метр болатын шатыры құлағандығы туралы ақпарат келіп түсті (ғимараттың жалпы ауданы 400 ш. м.). Нәтижесінде 2 жеңіл автокөлікке зақым келді. Қаза болғандар мен зардап шеккендер жоқ. Оқиға орнына ТЖД-нен 11 қызметкер және 2 бірлік техникасы жұмылдырылды, - деп жазылған Қызылорда облысы ТЖД баспасөз қызметі таратқан ақпаратқа.

​baq.kz​​​