Қармақшыда сенбілік жұмыстары жүргізілді

qarmaqshy-tany.kz Қоршаған ортаның тазалығы адамзат саулығының кепілі. Ал қоршаған ортаны аялап ұстау баршамыздың азаматтық парызымыз.

Жалпы республикалық сенбілік акциялары аясында аймақ басшысы нақты тапсырмалар берген болатын. Соған сәйкес бүгін ауданға қарасты кенттер мен ауылдық округтерде көркейту-көгалдандыру, санитарлық тазалық жұмыстары жүргізілді.

Сенбілікке қатысқан барлық мекеме қызметкерлері өздеріне бөлінген аймақтардағы көшелер мен жол жиектерін, арықтар мен әлеуметтік нысандардың айналасын күл-қоқыстан тазартып, сырлау абаттандыру жұмыстарын жүргізді.

Алдағы уақытта аудан әкімшілігі, құқық қорғау органдары қызметкерлері мен санитарлық-эпидемиологиялық станция қызметкерлерінен, қоғамдық кеңес, ардагерлер кеңесі мүшелерінен тұратын комиссия жасақталып рейдтік жұмыстар жүргізілетіндігін хабарлаймыз!

Осы орайда аудан тұрғындарын тұрғылықты тұрғын-жайларының аулаларын, жеке меншік аумақтарды таза ұстауға шақырамыз!

Қармақшы ауданы әкімінің баспасөз қызметі