Кеше ауданда «Birge: Taza Qazaqstan» экологиялық акциясы және санитарлық тазалық, көркейту-көгалдандыру айлығы аясында сенбілік ұйымдастырылды.Ауданның барлық аумақтарында жүргізілген тазалық жұмыстарына мекеме, кәсіпорын қызметкерлері бір кісідей атсалысып, әрбір ұжым бөлінген аумақтарда, көшелерде тазалық жұмыстарын қарқынды жүргізді. Соның ішінде, Жосалы кентіндегі темір жол бойы айналасының қоқыс қалдықтарын тазалап, ортақ мекеннің көркеюіне өз үлестерін қосты.
Сенбілік жұмыстары қоршаған ортаны таза ұстауға, экологиялық мәдениет қалыптастыруға және ауданның санитарлық жағдайын жақсартуға оң әсерін тигізуде.