Қармақшылық мерейлі отбасы марапат төрінен көрінді
qarmaqshy-tany.kz Ел ішінде құрметке бөленген ардақты да берекелі әулеттер, өнегесі мол отбасылар аз емес. Қазыналы қариясын қадірлеп, ата-анасын ардақтаған, балалары бақытқа бөленіп, жарасымды жанұя атанып отырған отбасылар – бүкіл қоғамның айнасы.
Бүгін облыс әкімі Нұрлыбек Машбекұлы «Мерейлі отбасы» Ұлттық конкурсының өңірлік кезеңінде жеңімпаз атанған отбасыларды марапаттап, бағалы сыйлықтар табыс етті.
Отбасылық құндылықтар мен шаңырақтың береке-бірлігін насихаттайтын ұлттық байқауға қатысқан 13 бала, 25 немере 18 шөбере тәрбиелеп отырған ҚАРМАҚШЫЛЫҚ КӨБЕЕВТЕР ОТБАСЫ ЖҮЛДЕЛІ ІІІ ОРЫНДЫ ИЕЛЕНДІ.
Отбасы мен некенің жағымды үлгісін көрсетіп, кейінгі толқынға үлгі-өнеге ету арқылы өскелең ұрпақты ізгілікке тәрбиелеп келе жатқан Көбеевтер отбасын (Т.Көмекбаев ауылы) жеңістерімен құттықтаймыз!
Қармақшы ауданы әкімінің баспасөз қызметі
