Қармақшы ауданы әкімінің орынбасары саябақтарды аралады

qarmaqshy-tany.kz Аудан әкімінің орынбасары Самат Қыдырбекұлы тиісті сала басшыларымен бірге Жосалы кентінде орналасқан бір қатар саябақтарды аралады.

Алдымен, аудан әкімінің орынбасары «Қазақ хандығына 550 жыл» аллеясын абаттандыру жұмыстарын көрді.

Биыл аталмыш аллеяны көгалдандыру мақсатында аяқ сумен қамтамасыз ету үшін облыстық бюджеттен тиісті қаржы бөлініп, техникалық су ұңғымаларын бұрғылау жұмыстары атқарылды.

Одан кейін, «Этно ауыл», «Дендропарк», «Тәуелсіздіктің 20 жылдығы» атындағы демалыс саябағы мен «Ардагерлер» аллеясының жай-күйімен танысты.

Аудан әкімінің орынбасары нысандарды аралау барысында сала басшыларына саябақтарға санитарлық-тазалық жұмыстарын үнемі жүргізіп, тұрғындар демалысы үшін қолайлы жағдай жасау жөнінде тапсырмалар берді.

Сондай-ақ, тиісті сала басшыларына саябақтарда мерекелік серуендер, мәдени-көпшілік іс-шаралар ұйымдастыру жөнінде ұсыныстарын жеткізді.