«Жолда қабылдау» акциясы жалғасын табуда

qarmaqshy-tany.kz Біз бұған дейін хабарларымыздың бірінде Қармақшы ауданының полиция бөлімімен ұйымдастыруымен «Жолда қабылдау» акциясы өтіп жатқаны туралы айтқанбыз. Бұл, өзінің тиімділігін көрсетті.

Акция барысында полиция қызметкерлеріне қойылған сұрақтардың басым бөлігі көлікті қайта жабдықтау мен көші-қон заңнамасы, әкімшілік айыппұлдарды төлеу және мемлекеттік қызметтерді көрсетумен байланысты болды.

Сонымен қатар, Қармақшы ауданы полиция бөлімінің «Facebook» әлеуметтік парақшасында тікелей эфир жүргізіліп, аудан тұрғындарына алаяқтық қылмысын алдын алу, отбасы тұрмыстық зорлық – зомбылықтың алдын алу, сондй – ақ, шетелдік көліктерді тіркеу бағытында бөлім бастығының бірінші орынбасары полиция подполковнигі А.Амирбеков түсіндірме жұмыстарын жүргізді.

Ауданымыздың адам көп шоғырланатын жерінде қаз-қатар отырған полицейлерді көрсеңіз таңқалмаңыз.

Олар сізге құқықтық көмек беруге дайын. Ал, өз сауалдарын қойып үлгерген аудан тұрғындары ұйымдастырылып жатқан акцияға дән риза.

«Жолда қабылдау» республикалық акциясы Ішкі Істер министрлігінің нұсқауы бойынша Қызылорда облысының барлық қаласы мен аудан орталықтарында да жүргізілуде.

Қармақшы АПб-і Жергілікті полиция қызметі бөлімшесі.