Біз бұған дейін хабарларымыздың бірінде Қармақшы ауданының полиция бөлімімен ұйымдастыруымен «Жолда қабылдау» акциясы өтіп жатқаны туралы айтқанбыз. Бұл, өзінің тиімділігін көрсетті. Сондықтан акция әрі қарай жалғасын тапты. Және алдағы күндері ауданымызда қабылдау жүргізілуде.

Акция аясында полицейлерге қойылған сұрақтардың тағы басым бөлігі көлікті қайта жабдықтау мен көші-қон заңнамасы, әкімшілік айыппұлдарды төлеу және мемлекеттік қызметтерді көрсетумен байланысты болды. Ауданымыздың адам көп шоғырланатын жерінде қаз-қатар отырған полицейлерді көрсеңіз таңқалмаңыз. Олар сізге құқықтық көмек беруге дайын. Ал, өз сауалдарын қойып үлгерген аудан тұрғындары ұйымдастырылып жатқан акцияға дән риза. «Жолда қабылдау» республикалық акциясы Ішкі Істер министрлігінің нұсқауы бойынша ұйымдастырылып отырылуда. Дәл осындай акция Қызылорда облысының барлық қаласы мен аудан орталықтарында да өтуде.