Маусым айында ауа райы қандай болады?
Аймақта маусым айында ауа райының орташа температурасы күндіз +27+29 градус болады. Екінші онкүндіктің аяғында өткінші жаңбыр жауады. Облыста жиі шаңды дауыл, 15-20 м/с жел күтіледі. Бұл жөнінде Өңірлік коммуникациялар қызметінде өткен брифингте «Қазгидромет» РМК Қызылорда облысы бойынша филиалының бөлім басшысы Әйгерім Жөкелова хабарлады.
-Алдағы күндері ауа температурасының түнде +18+23°С-тан +20+25°С-қа дейін, күндіз +33+38°С-тан ++38+43°С-қа дейін жоғарылауы күтіледі. Кейін екінші онкүндіктің аяғында, үшінші онкүндіктің басында ауа температурасының түнде +17+22°С-қа дейін, күндіз +25+35°С -қа дейін ауытқуы болжанады. Айдың аяғында қайта жоғарылау күтіледі. Бұл айда жауын-шашынның айлық мөлшері нормадан аз көрсетіп тұр,-деді Әйгерім Болатбекқызы.
@ Өңірлік коммуникациялар қызметі
