Қармақшылық мемлекеттік қызметшілер жеңіс төрінде
qarmaqshy-tany.kz 23 маусым – Мемлекеттік қызметшілер күніне орай облыс әкімінің жүлдесіне арналған XXVII дәстүрлі облыстық, қалалық және аудандық жергілікті атқарушы органдары мен жергілікті мемлекеттік орган қызметкерлері арасындағы спартакиадада «Қазақ күресі» спорт түрі бойынша Қармақшы ауданы командалық I орынды иемденіп, жеңіс төрінен көрінді.
Атап айтар болсақ, 75 кг салмақта күрескен Қармақшы аудандық мәдениет және спорт бөлімінің сектор меңгерушісі Мырзабаев Нұрбол Төлендіұлы – І орын, 90 кг салмақта күрескен Қармақшы ауданы әкімі аппаратының ұйымдастыру және инспекторлық жұмыс бөлімінің бас инспекторы Шәпи Нұржан Арыстанұлы – І орын, 90 кг жоғары салмақта күрескен Қармақшы ауданы әкімі аппаратының құжаттамалық қамтамасыз ету және бақылау бөлімінің бас инспекторы Жолмаханов Нұрсұлтан Сабытбекұлы ІІІ орынды жеңіп алды.
Аталған спартакиадада мемлекеттік қызметшілер басқа да спорт түрлері бойынша 10 маусымға дейін бақ сынаспақ.
