Қармақшылық оқушылар Қазақстан Республикасы Ішкі Істер министрінің алғыс хатымен марапатталды
qarmaqshy-tany.kz Қармақшы ауданы Жосалы кенті Шоқан Уәлиханов атындағы №26 орта мектептің оқушылары Ақназарұлы Мадияр, Жақсылықов Дамир Бекбергенұлы, Әбдіқадыр Назерке Тоқтарқызы Республикалық «Бала және бағдаршам» жобасына қатысып, жобаның қорытындысы бойынша Қазақстан Республикасы Ішкі істер министрі полиция генерал-полковнигі Марат Мұратұлы Ахметжановтың «Алғыс хатымен» марапатталды.
Өз кезегінде оқушылар полиция қызметкерлерімен бірге, балаларға жол қозғалысының қауіпсіздік негіздерін насихаттау және аудан көшелерінде қауіпсіз әрекет дағдыларын үйретуде белсенділік танытты.
Қазақстан Республикасы Ішкі істер министрінің «Алғыс хатын» оқушыларға Қармақшы ауданының Полиция бөлімінің бастығы полиция полковнигі Бақытбек Зейнуллаұлы Жаркинбаев табыстады.
