Байқау өткізілді
qarmaqshy-tany.kz 7 Мамыр- Отан қорғаушылар күні! 9 Мамыр – Ұлы Жеңіс күні!
Бұл күн – жанқияр ерліктің, еңселі елдіктің рухы өрлеп, Жеңістің жалауы желбіреген күн. Бұл күн – әділеттің әділетсіздікті жеңген күні.
Бұл күн – бүгінгі ұрпақтың сіздер сыйлаған бейбіт даму жолын одан әрі жалғастырып жатқан күні.
Бұл күн – қан майданда парыз бен намысты алға қойған, елі мен жерінің бостандығы үшін жан аямай төтеп берген, қайсар мінезді жауынгерлеріміздің ерен ерлігінің, биік рухының мерекесі. Осынау ерлікке толы Күн тарихымыздың мәңгілік ұмытылмас парағы болып қала бермек.
Осы орайда Қармақшы ауданында Ү.К.Томанов атындағы N183 орта мектебімізде АК-74 оқжаттарын жинау мен АК-74 бөлшектеп жинау тақырыбында байқау өткізілді. Байқауға 10 "А","Б" сынып оқушылары қатысты.
АК-74 оқжаттарын жинау 1- орын Абдрахманова Ақбота, 2 орын Алтайбек Раиса, 3 орын Қазбекова Фарида
Ак-74 бөлшектеп жинау. 1 орын Алтаев Ілияс 2 орын Бисенбай Дулат 3 орын Әбдіқадіров Данил қатысты.
Байқауға қатысушылар мектеп директоры Г.Әшірованың дипломдарымен марапатталды.
