Қармақшы ауданында иммундау апталығы барысында кент орталығындағы С.Есқараев атындағы орта мектебінде кең көлемде акция ұйымдастырылды.

"Ата-ананың тәрбиесі - бала мінезінің іргетасы" тақырыбымен "Ашық есік" күнімен басталып, мектеп дәлізінде "Тілек ағашынан" әрбір қатысушыларды "алма үзу" арқылы жақсы тілектермен қарсы алып, "Отбасым-бақыт мекенім" әдеби монтажын ұсынды.

Кең көлемді акция барысында "Тағам құрамындағы қоректік заттар", "Жұқпалы аурулармен күрестегі екпенің маңызы", "Спорт-денсаулық кепілі", "Ата-ана әлеуметтік желіге қарсылық көрсету керек пе?" және "Көгалдандыру-көптің ісі" тақырыптарында шаралар жасалды. Мамандар, қонақтар, ата-аналар оқушылармен кездесу барысында отбасы құндылықтары, бала тәрбиесі, зиянды әдеттердің алдын алу, екпенің маңызы, салауатты өмір салтын ұстану және жастардың денсаулығы туралы маңызды ақпараттар беріп, оқушылардың сұрақтарына жауаптар берді.

Спорттық шаралар ұйымдастырылып, балалар қолымен жасалған қолөнер жұмыстары таныстырылды.

Сондай-ақ, барлық қатысушылармен бірге мектеп ауласына көкөністер мен ағаш отырғызу шарасымен аяқталды.