Қасиетті рамазан айы мұсылман үшін Аллаһтың рақымы мен шапағатына бөленетін, сауабы мен берекесі мол ай. Рамазан айының рамазан айы болуының өзіндік себептері бар. Біріншіден, бұл айда Құран түсті. Екіншіден, исламның бес парызының бірі болған оразаны осы айда ұстауға әмір етілді. Үшіншіден, мың айға тең келетін Қадір түні осы айдың еншісінде.

Рамазан айының шарапаты мен сауабы тек ораза ұстаумен ғана шектелмейді. Бұл айда жасалған амалдарымызға еселеп сауаптан жазылмақ. Сол сауабы мол амалдың бірі — аузы берік жанға ауыз аштыру.

Осы орайда ауыл әкімдігі мен аудандық жастар ресурстық орталығының ұйымдастыруымен және жол полициясы қызметкерлерінің қатысуымен "Батыс Европа - Батыс Қытай" автодәліз жолаушылары мен Интернационал Ауылы тұрғындарына арналып "АУЫЗАШАР ҚОРЖЫНЫ" таратылды.

Бауырмалдылық пен бірлікке үндейтін берекелі айдағы сауапты шараның демеушісі "Ақсарай" кешенінің меңгерушісі Г.Рагибова.

Аталмыш шараға үлес қосқан барша қайырымды жандарға алғысымызды білдіреміз.