Құтқарушылар сайысы өткізілді

qarmaqshy-tany.kz ЖАҚЫНДА ТӨТЕНШЕ ЖАҒДАЙЛАР ЖӘНЕ АУДАНДЫҚ БІЛІМ БӨЛІМІНІҢ ҰЙЫМДАСТЫРУЫМЕН КЕНТ ОРТАЛЫҒЫНДАҒЫ СТАДИОНДА МЕКТЕПТЕР АРАСЫНДА «ЖАС ҚҰТҚАРУШЫ» САЙЫСЫ ӨТТІ.

Сайыстың мақсаты – жас құтқарушылар арасында бұқаралық құтқарушылар жұмыстарын жандандыру, өскелең ұрпақты отансүйгіштікке тəрбиелеу, құтқарушы тəсілдері арқылы салауатты өмір салтының дағдыларын қалыптастыру, сондай-ақ балалар мен жастарды қолданбалы спорт түрімен шұғылдануға тарту. Жасөспірімдерді əскери-патриоттық негізге баулу болып табылады.

Оқушылар жарыста 5 кезеңнен тұратын сынақтан өтті. Олар топ құрамын таныстыру, сұрақ-жауап кезеңі, құтқару арқанын уақытқа және дұрыстыққа байлау, өрт сөндірушінің жауынгерлік киімін кию және жауынгерлік қанатжаю секілді сындардан тұратынсайысқа түсті.

Жарыстың қорытындысыменІ орынды №183 орта мектеп командасы жеңіп алса, ІІ орынға №30 орта мектеп командасы жайғасты. ІІІ орынды №121 ортамектеп місе тұтты. Жауынгерлік қанат жаю және құтқару арқанын байлау сайыстары бойынша үздік уақыт көрсеткені үшін №183 орта мектеп, жауынгерлік киім киюде №121 орта мектеп командасы, топ құрамын таныстыру кезеңінде №250 мектеп-лицейі сайыс тұғырынан көрінді.

Нұрдәулет РАХЫМБАЕВ,

ауданық Төтенше

жағдайлар бөлімінің инженері,

азаматтық қорғау аға

лейтенанты