Кітап-үнсіз мұғалім

qarmaqshy-tany.kz 2 сәуір-Халықаралық балалар әдебиеті күніне орай кітапханамыздың кішкентай кітапқұмарларымен, ұлағатты ұстаз Роза Шайымова жетекшілік ететін 4-сынып оқушыларымен бірге "Кітап-үнсіз мұғалім" тақырыбында флешбук шарасы өтті.

Негізгі мақсат: оқушыларды кітапты құрметтей білуге, қадірлей білуге, білімге, кітап оқуға деген құштарлығын, қызығушылығын, сүйіспеншілігін арттыру, ой-өрісін дамыту болып табылады.

Кітапханашы оқырмандарға кітапханадағы балалар әдебиеттерімен, ақын-жазушылардың кітаптарымен таныстырды. Балалар жазушыларының өмір-баяндарын айтып, қысқаша мағлұмат берді. Сондай-ақ оқушыларға әрбір кітапты қолдарымен ұстап, өздерінше еркін түрде дауыстап оқуға мүмкіндік берді.