qarmaqshy-tany.kz ІІІ Интернационал ауылдық lll Интернационал онлайн орталығында Халықаралық кітап сыйлау күніне орай кітапханамыздың кішкентай кітап құмарларымен, Кунсулу Ермагамбетова жетекшілік ететін 3 сынып оқушыларымен бірге "Кітап - білім бұлағы" тақырыбында мерекелік кеш өткізілді.

Негізгі мақсат: оқушыларды кітапты құрметтей білуге, қадірлей білуге, білімге деген құштарлығын, сүйіспеншілігін арттыру, ақыл, ой-өрісін дамыту болып табылады.

Дана халқымыз кітапты аса құрметтейді. "Кітапсыз білім жоқ, білімсіз күнің жоқ" бәрін, бәрін білесің оқи берсең кітапты демекші баланы жас кезінен бастап кітапқа қызықтырып, кітап ұстауға баулыған жөн.

Оқырмандар алдымен кітапханадағы өздерінің жастарына сәйкес түрлі-түсті кітаптармен, жорналдармен танысты. Әрбір кітапты қолдарымен ұстап, өздерінше еркін түрде дауыстап оқыды.

Сонан соң ұнаған кітаптарын ұстап кітаптарға шеру жасады. Сиқырлы сандық ашылып, әрбір оқырман ондағы жазылып бүктелген шағын қағаздарды алып, ашып оқыды. Оның ішінде әдемі сөздер жазылған еді.