«Балақай сен білесің бе?»

qarmaqshy-tany.kz Құрметті ата-аналар! Бұл сақтық шаралары Сіздерге арналады. Кәмелетке толмағандарға қарсы жасалатын қылмыстардың алдын алу болып табылады. Балаларыңызды зорлық-зомбылықтан сақтау үшін үйде және қоғамдық орындарда «Сақтанудың» ережесін үйретіңіз:

• Бейтаныс адамдармен далада ойнап жүрген кезінде сөйлесуге болмайды.

• Олармен бірге лифт және подъезге кіруге болмайды.

• Бейтаныс адамның автокөлігіне отыруға болмайды.

• Бейтаныс адамдардан сыйлық алуға және олар ұсынған жерге баруға болмайды.

• Балаңыздың түн мезгілінде көшеде, ойын-сауық орындарында жүруіне болмайды.

• Қараңғы көшелер мен саябақтарда жалғыз өзі серуендеуге болмайды.

• Үйде жалғыз болғанда балаңыздың қауіпсіздігі үшін бейтаныс кісілерге үйдің есігін ашуға және оларды үйге кіргізуге болмайды.

• Бейтаныс адам балаларыңызға тиіскен жағдайда, дереу айқайлап жан-жағындағы үлкен адамдардан көмек сұрау керектігін үйретіңіз.

JОсы бағытта Жосалы кенті орталығындағы білім беру мекемелерінің бастауыш сынып оқушыларына Қармақшы ауданың Полиция бөлімінің кәмелетке толмағандар істері жөніндегі инспекторлары балалардың қауіпсіз мінез-құлық ережелерін түсіндіріп, жадынама қағаздарын таратты.

Қармақшы ауданының Полиция бөлімі

Жергілікті полиция қызметі бөлімшесі