Жаз маусымының соңғы айы болсада аптап ыстық күндер әлі басылған жоқ. Осындай ыстық күндері тұрғындар мен балалар жағажай мен дарияға шомылуға барады. Сондықтанда су – аса үлкен қауіптің бірі екенін естен шығармауымыз керек.
Орын алған суға кету оқиғалары ата-ананың бақылауынсыз, қадағалауынсыз, рұқсат етілмеген жерлерге шомылудан, ескерту тақтайшаларының және балалардың жүзу қабілетінің болмауынан орын алып жатады. Осыған байланысты суға кету оқиғалаларының алдын алу үшін, суда өте мұқият болу керек.
Бірінші кезекте балалар тек ересектердің бақылауымен шомыла алады. Бұл - негізгі ереже. Шомылуға арналмаған жерлерде шомылуға болмайды. Тамақ ішкеннен кейін бірден суға түсуге болмайды. Бір – бір жарым сағат өтуі керек.
Арнайы қоршаудан өтіп жүзбеңіз, егер арнайы қоршаулар жоқ болса, онда жағалаудан алыс жүзуге болмайды.
Зерттелмеген түбі бар бейтаныс жерлерде суға секіруге болмайды. Дауыл кезінде теңізге баруға болмайды. Жүзу білмейтін балаларды суға арнайы құралдарсыз (шеңберлер, жеңдер, матрастар) жіберуге болмайды. Шеңберлер мен матрастарда жағалаудан алыс жүзуге болмайды.
Суда тым ұзақ уақыт болуға болмайды, бір рет 10-15 минут жеткілікті. Қатты ағысты жерлерде жүзуге болмайды. Тым суық суға шомылуға болмайды. (16 градустан төмен болмауы керек).
Ыстық күні суға түсу қауіпті, бұл жүректің тоқтауына және сананың жоғалуына әкелуі мүмкін. Бірде-бір жағдайда қарсылас су астында ұстап тұрған кезде ойын ойнауға болмайды, бұл өте қауіпті. Шын мәнінде бәрі дұрыс бола тұра жалған дабыл көтеріп, суға батып бара жатқандай көрініс жасаудың қажеті жоқ. Себебі нақты қауіп туындаған кезде сізге сенбей қалуы мүмкін.
Бұл ережелер туралы балаға алдын ала айтуымыз қажет.
Сонымен қатар, Қармақшы ауданының Полиция бөлімінің қызметкерлерімен судағы оқыс оқиғалардың алдын алу мақсатында рейдтік іс-шараларын жүргізіп, тұрғындарға жағалауда болу тәртібі туралы түсіндіру жұмыстарын атқаруда.