qarmaqshy-tany.kz Жуырда Республикалық "Жарқын Болашақ" өнер орталығының ұйымдастыруымен өткізілген VІІ Республикалық "Жарық жұлдыз" атты балалар өнер байқауында "Көркем сурет" және «Қолөнер» жанрлары бойынша Байқоңыр қаласындағы №277 мектеп-лицейінің өнерлі білім алушылары жүлделі орындарды иеленді.

Нәтижесінде «Көркем сурет» жанры бойынша Бахытбаева Диана І орынды, «Қолөнер» жанры бойынша Абатбекова Ақтоты І орынды иеленіп, финалға жолдама алса, «Қолөнер» жанры бойынша Серикбаева Мерейлім ІІ орынды жеңіп алды. Жеңімпаздарды өнерге баулып, шеберлігін шыңдауға жетекшілік еткен көркем еңбек пәнінің мұғалімі Абразакова Жанарға шығармашылық табыстар тілей отырып, биік белестерді бағындыра беріңіз дегіміз келеді.