«Қазгидромет» РМК баспасөз қызметі сәуірдің 2-сіне арналған ауа райы болжамын жариялады, деп хабарлайды Egemen.kz.

«Қазгидромет» мәліметтеріне қарағанда, бүгін еліміздің басым аумағы антициклон жырасының ықпалында болады. Күн ашық болады. Тек елдің батысына, оңтүстігіне және оңтүстік-шығысына циклон жырасы әсер етіп, онымен байланысты фронталды бөліктердің өтуімен жаңбыр жауады, оңтүстігінде найзағай болады.

Республика бойынша еліміздің оңтүстігінде, оңтүстік-батысында өте қатты жел соғып, оңтүстігінде - шаңды дауыл тұрады, оңтүстік-шығысында тұман түседі.

Жетісу облысында, Түркістан, Жамбыл облыстарында желдің екпіні 30 м/с дейін жетеді.

Түнде Алматы облысында 1-6 градус, Жетісу облысында 2-7 градус, Түркістан облысының солтүстігінде, таулы аудандарында 2 градус үсік жүреді.